Afreks- og hvatningarsjóður HÍ

Afreks- og hvatningarsjóður HÍ býður afburðagóðum nemendum góða styrki við upphaf náms. Nú er auglýst eftir umsóknum.

Í júní nk. verður styrkjum úr Afreks- og hvatningarsjóði Háskóla Íslands úthlutað í tíunda sinn til framhaldsskólanema sem ná afburðaárangri á stúdentsprófi og innritast í Háskóla Íslands. Frá upphafi hafa 193 nýnemar við Háskólann hlotið styrki úr sjóðnum. Styrkirnir eru nú að fjárhæð 300.000 kr. hver auk 75.000 kr. til endurgreiðslu á skrásetningargjaldi við Háskóla Íslands.   

Í ár verður lögð sérstök áhersla á að styrkja þá nemendur sem sækja um kennaranám eða annað nám í menntavísindum og eins þá nemendur sem hafa íslensku sem annað mál. 

Við val á styrkhöfum er tekið mið af: 

• framúrskarandi námsárangri á stúdentsprófi  
• virkni í félagsstörfum 
• árangri stúdenta á öðrum sviðum, s.s. í listum og íþróttum  
• sérstökum framförum í námi eða góðum námsárangri þrátt fyrir erfiðar aðstæður

Frekari upplýsingar um sjóðinn er að finna undir eftirfarandi slóð: http://sjodir.hi.is/afreks_og_hvatningarsjodur_studenta_haskola_islands

Umsóknarfrestur um styrki úr Afreks- og hvatningarsjóði Háskóla Íslands er til 5. júní nk.