Mentorverkefnið hafið

Á miðvikudaginn var upphafsfundur í áfanganum MEN2A05 eða Mentorverkefnisins Vináttu í Kvosinni. Mentorverkefnið er valgrein bæði í MA og VMA og felst í því að framhaldsskólanemendur og grunnskólanemendur tengjast vináttuböndum, hittast einu sinni í viku og gera eitthvað skemmtilegt og uppbyggilegt saman.

Markmiðið með verkefninu, sem unnið hefur verið í allmörg ár, er að framhaldsskólanemendurnir verði grunnskólanemendum góð fyrirmynd og veiti þeim stuðning. Reynslan sýnir þó að mentorarnir læra jafn mikið af börnunum og öfugt.

Á upphafsdeginum hittu mentorarnir börnin og foreldra þeirra í fyrsta skiptið, spjölluðu saman og snæddu flatböku. Því má segja að þetta hafi farið ljúflega af stað.

Mynd: Jóhanna Þorgilsdóttir