- Skólinn
- Skólinn og starfið
- Fólk og félög
- Sýn, stefnur og mat
- Hús skólans
- Námið
- Þjónusta
Framhaldsskólaeiningar: 5
Þrep: 3
Undanfari: FÉL2A050 og SAG2B050
Í þessum áfanga verður lögð áhersla á ítarlegar pælingar og umræður um nokkur meginstef heimspekinnar frá tilurð hennar í Grikklandi um það bil 600 f. Kr. og fram á okkar daga, einkum á sviði frumspeki og þekkingarfræði. Auk þess verður fjallað um upphaf félagsvísinda og sálfræði og helstu kenningar þeirra fræða. Höfuðsnillingar heimspekisögunnar og félagsvísnda verða í forgrunni. Meira verður lagt upp úr nákvæmum skilningi á einstökum kenningum og frjóum samræðum en hundavaðsfróðleik og mikilli yfirferð. Engu að síður fái nemendur heildarsýn yfir útlínur heimspekisögunnar, samhengi og rof, frá upphafi til nútíma.
Nemandi skal hafa aflað sér almennrar þekkingar og skilnings á:
– upphafi heimspeki og fræðilegra vísinda hjá jónísku náttúruspekingunum og þeim breytingum í hugsunarhætti sem því fylgdi.
– frumspeki og þekkingarfræðilegum viðhorfum forsókratískra heimspekinga og gera sér grein fyrir hughyggju og efnishyggju, rökhyggju og raunhyggju.
– samræðuaðferð Sókratesar og deilum við sófista; algildishyggju og afstæðishyggju í siðferðisefnum.
– heimspekikerfi Platons og meginhugtökum; kenningum Aristótelesar og flokkunarkerfum.
– hugmyndaheimi hellenismans; kýnisma, efahyggju, stóuspeki, epíkúrisma og nýplatonisma.
– sambandi kristni og heimspeki á miðöldum; trú og skynsemi, sögu og sannindum og
frumspekilegri stöðu almennra hugtaka.
– vísindalegri og pólitískri hugsun á nýjöld; kenningum rökhyggjumanna: Descartes, Spinoza og Leibniz; kenningum raunhyggjumanna: Locke, Berkeley og Hume.
– hugmyndaheimi upplýsingar og rómantíkur; „hinum kóperníkönsku umskiftum“ Kants á
sviði þekkingarfræði og frumspeki og „skilyrðislausa skylduboðinu“ í siðfræði hans.
– söguspeki Hegels og Marx og gangrýni Kierkegaards og Nietzsche á hefðbunda heimspeki.
– heimspekilegum forsendum félagsvísinda og tengslum rökhugsunar og hefðarhugsunar í
klassískri félagsfræði hjá Comte, Tocqueville, Tönnies, Simmel, Durkheim og Weber.
– upphafi sálarfræði og kenningum Freuds, atferlisstefnu og hugfræði.
– helstu stefnum og straumum á 20. öld.
Nemandi skal hafa öðlast leikni í að:
– taka þátt í heimspekilegri rökræðu.
– gera grein fyrir heimspekilegum og félagsvísindalegum hugtökum.
– meta gildi heimspekilegra rökfærslna.
– greina og skýra heimspekilegan texta.
– skrifa stuttar heimspekilegar rökfærsluritgerðir.
Nemandi skal geta nýtt þá almennu þekkingu og leikni sem hann hefur aflað sér til að:
– bera saman ólíka hugarheima úr sögu fræða og vísinda.
– yfirfæra þekkingu og skilning á einu sviði fræða yfir á annað.
– hugsa skipulega og á sjálfstæðan, gagnrýnin hátt um málefni líðandi stundar jafnt sem hin
þyngri vandamál tilverunnar.
Menntaskólinn á Akureyri
Eyrarlandsvegi 28
600 Akureyri
Kt. 460269-5129
Skrifstofutími
Mán - fim 08:00 - 13:30
Föstud 08:00 - 13:00
Lokað í hádeginu 12:00 - 12:30
Lokað um helgar
Ritstjórn: Brynjar K. Óttarsson, Eyrún Huld Haraldsdóttir og Sigurlaug Anna Gunnarsdóttir