ÍÞR411

Áfangamarkmið:

Að nemandi:

• öðlist færni í sjálfstæðum vinnubrögðum við þjálfun sína í líkamsræktarsal

• fái kennslu í undirstöðuatriðum við tækja- og lóðaþjálfun

• fái kennslu og æfingu í að búa til eigin æfingaáætlun

• æfist í að halda æfingadagbók og halda þannig utan um eigin þjálfun

• læri um helstu mismunandi áhrif næringarefna og mataræðis á líkamann

• læri um helstu flokka næringarefna

• nýti sér tölvu- og upplýsingatækni við skrásetningu næringardagbókar

Áfangalýsing:

Kenndur er tvöfaldur verklegur tími einu sinni í viku í líkamsræktarsal, auk þess er í boði að notfæra sér útiaðstöðu s.s. að fara út að hlaupa. Nemendur útbúa sína eigin æfingaáætlun fyrir önnina í samráði við kennara og undir hans leiðsögn. Kennari leggur fyrir afkastamælingar og æfingaáætlun er miðuð m.a. við niðurstöður mælinganna. Í lok annar er aftur mælt og framfarir metnar. Tvisvar til þrisvar sinnum á önn stjórnar kennari tíma þannig að nemendur fá hugmyndir að fjölbreyttari æfingum og vinna í samvinnu við aðra nemendur. Nemendur halda matardagbók í nokkra daga og setja inn í gagnvirkt forrit á netinu (www.matarvefurinn.is) og lesa úr niðurstöðum og skila dagbók, niðurstöðum og vangaveltum til kennara.

Kennsluhættir:

Verkleg kennsla í líkamsræktarsal.

Námsefni:

Netið og ef nemendur vilja glugga í næringarfræðibækur. Einnig er mjög gott að skoða þjálffræðibækur við uppsetingu á þjálfunaráætlunum.

Námsmat:

Mæting: 50%

Afkastamælingar: 20%

Vinnusemi og ástundun: 20%

Matarverkefni: 10%