LÍF3B05

Framhaldsskólaeiningar: 5
Þrep: 3
Undanfari: Áfanginn er síðasti áfanginn á náttúrufræðikjörsviði raungreinasviðs.
Kennsluáætlun (PDF)

Lýsing á efni áfangans:

Farið er yfir kjarnaskiptingar og helstu einkenni mendelskra erfða og erfða á sameindastigi og grunn stofnerfðafræði. Þannig er gangur ríkjandi og víkjandi gena við mismunandi aðstæður skýrður. Lýst er gerð og eiginleikum gena og litninga og hlutverki kjarnsýra í heilkjörnungum,  dreifkjörnungum og veirum. Farið er yfir reglu Hardys og Weinbergs og notagildi hennar. Nemendur leysa fjölmörg verkefni sem skýrir þeim gang erfðanna.

Lokamarkmið áfangans:

Nemandi skal hafa aflað sér almennrar þekkingar og skilnings á:

• kjarnaskiptingu
• helstu einkennum mendelskra erfða og erfða á sameindastigi
• grunni stofnerfðafræði
• gangi ríkjandi og víkjandi gena við mismunandi aðstæður
• hlutverki kjarnsýra í heilkjörnungum, dreifkjörnungum og veirum
• reglu Hardys og Weinbergs og notagildi hennar

Nemandi skal hafa öðlast leikni í að:

• skýra út tengsl arfgerða og svipgerða
• skýra út einföld dæmi erfðatækninnar
• lýsa í máli og myndum einstökum  fræðilegum þáttum erfðafræðinnar

Nemandi skal geta hagnýtt þá almennu þekkingu og leikni sem hann hefur aflað sér til að:

• segja fyrir um árangur eingena og fjölgena erfða
• tengja saman DNA og erfðir út frá próteinmyndun
• móta sér rökstudda niðurstöðu í siðfræðilegum álitamálum