LÍF3C05

Framhaldsskólaeiningar: 5
Þrep: 3
Undanfari: Íslandsáfanginn, LÍF2A050, LÍF3A05
Kennsluáætlun (PDF)

Lýsing á efni áfangans:

Umhverfisfræði er mikilvæg undirstöðugrein á öllum sviðum raungreina og félagsgreina auk þess að vera sjálfstæð fræðigrein við háskóla hér á landi og erlendis. Áfanginn nýtist vel fyrir almenna líffræði og landbúnaðarvísindi auk þess að veita góða almenna menntun í umhverfisfræðum.
Í áfanganum er fjallað um áhrif vistkerfisbreytinga á loft, láð og lög. Sérstaklega eru valin ákeðin íslensk vistkerfi og atvinnugreinar sem byggjast á auðlindum náttúrunnar. Einnig er fjallað um umhverfi Suðurskautslandsins, regnskóga og vistkerfi Norðurhjara. Fjallað er um náttúruvernd og helstu reglur alþjóðlegar og íslenskar sem unnið er eftir til að ná fram markmiðum sjálfbærrar þróunar.
Fjallað er um  mengun og mengunarslys og hvaða lærdóm þjóðir heimsins megi draga af þeim slysum.

Nemandi skal hafa aflað sér almennrar þekkingar og skilnings á:

•    auðlindum heimsins, skilji að þær eru takmarkaðar og að stýra þarf nýtingu þeirra

•    hvernig þjóðir vinna saman að lausn umhverfisvandamála, svo sem að verndun andrúmslofts, vatns, úthafa, lífverustofna, og vistkerfa

•    hinu flókna samspil þriggja stoða sjálfbærrar þróunar og mikilvægi þess að náttúran njóti vafans til að jafnvægi og stöðugleiki verði einkenni alþjóðasamfélagsins

•    mikilvægi þess að finna lausnir á umhverfisvanda svo sem á sífellt vaxandi mengun andrúmsloftsins hvernig framandi lífverutegundir breiðast út með hlýnun loftslags, svo sem sníklar.

Nemandi skal hafa öðlast leikni í að:

•    að greina hvað er eðlileg nýting auðlinda og hvað er rányrkja, hvað er hæfilegt beitarþol og hvað er ofbeit, hvað er hæfilegt burðarþol og hvað er niðurníðsla

Nemandi skal geta hagnýtt þá almennu þekkingu og leikni sem hann hefur aflað sér til að:

•    útskýra í rituðu og mæltu máli vísindalegar niðurstöður sem aflað hefur verið með söfnun heimilda um tiltekið mál og tengt þær hagnýtu starfi í nútíma samfélagi
•    draga ályktanir af því sem farið er yfir fyrst á önninni og tengt við námsefni reynslu og þekkingu sína í lok annar, svo sem hvernig rányrkja takmarkar lífsskilyrði stórs hluta mannkynsins.
•    mynda sér skoðanir  með rökum með eða á móti auðlindanýtingu, bæði á heimavelli og á heimsvísu
•    vinna að markmiðum sjálfbærrar þróunar í leik og starfi í nútíma lýðræðis þjóðfélagi, hvort sem  hann velur háskólanám eða skóla lífsins á Íslandi eða annars staðar á byggðu bóli heimsins.

Námsmat

Fer fram með símati, að hluta með gerð vinnubókar 10%, gerð umhverfisskýrslu 25% , fyrirlestri 10%, og annarpróf í lok áfanga er 55%.