LKN121

Áfangalýsing:

Áfanganum er skipt í þrjú þemu. Fyrsta þemað fjallar um nám og störf að loknum framhaldsskóla, fjallað verður um helstu þætti varðandi náms- og starfsval. Farið verður í náms- og starfskynningarferð á höfuðborgarsvæðið og fyrirtæki og skólar heimsóttir.

Annað þemað er helgað borgaravitund og sjálfboðastörfum. Hvar getum við gert gagn og lagt eitthvað af mörkum í samfélaginu? Nemendur velja, í samráði við kennara, málaflokk sem þeir vilja leggja lið.

Þriðja þemað fjallar um lýðræðið á Íslandi í tengslum við væntanlegar sveitastjórnakosningar.

Markmið:

Nemendur

• verði betur meðvitaðir um eigið áhugasvið og styrkleika.
• beiti skipulögðum aðferðum við val á námi og/eða starfi.
• átti sig á hvaða möguleikar standa þeim til boða hvað varðar nám/starf og finni leiðir að settu marki.
• kynnist og fái tækifæri til að sinna mannúðarstörfum.
• öðlist þekkingu og skilning á réttindum og skyldum í lýðræðislegu samfélagi og hvernig hægt er að taka upplýsta ákvörðun um mikilvæg málefni.