SAG2A05

Framhaldsskólaeiningar: 5
Þrep: 2
Undanfari: Enginn
Kennsluáætlun (PDF)

Lýsing á efni áfangans

Hér er um að ræða fyrsta söguáfanga Menntaskólans á Akureyri. Fjallað verður um grunnþætti og verklag sögunnar sem fræðigreinar og námsgreinar. Saga mannkyns frá upphafi sögulegs tíma verður rakin fram að frönsku byltingunni 1789 og verður aðaláhersla lögð á sögu Vesturlanda. Saga Íslands frá landnámi til 1800 verður tekin fyrir samhliða mannkynssögunni.

Lokamarkmið áfangans:

Nemandi skal hafa aflað sér almennrar þekkingar og skilnings á:

• helstu aðferðum sögu sem fræðigreinar og námsgreinar
• sögu Vesturlanda í grófum dráttum
• helstu kenningum í stjórnmálum
• helstu persónum sem hafa mótað söguna
• helstu atburðum sem hafa haft áhrif á þróun samfélaga
• mikilvægi gagnrýninnar hugsunar

Nemandi skal hafa öðlast leikni í að:

• greina orsakir og afleiðingar sögulegra atburða
• afla sér heimilda um tiltekin viðfangsefni sögunnar
• lýsa samskiptum ríkja og þjóðfélagshópa
• lesa sagnfræðilega texta

Nemandi skal geta hagnýtt þá almennu þekkingu og leikni sem hann hefur aflað sér til að:

• bera saman nútíð og fortíð
• meta gildi og áreiðanleika heimilda, frásagna og sögulegra skýringa
• draga lærdóm af sögulegum mistökum
• skilja hvernig nútímasamfélög byggjast á fortíðinni
• lesa og túlka kort, myndir og texta
• fjalla um söguleg viðfangsefni með viðurkenndum aðferðum og kynna niðurstöður sínar á skipulegan hátt í ræðu og riti, t.d. ritgerð og / eða fyrirlestri