ÞÝS1B05

Framhaldsskólaeiningar: 5
Þrep: 1
Undanfari: ÞÝS1A05
Kennsluáætlun (PDF)

Lýsing á efni áfangans:

Viðfangsefni undanfarans eru rifjuð upp og sett í nýtt samhengi. Menningu, staðháttum og siðum þýskumælandi landa er fléttað inn í kennsluna og lögð áhersla á viðeigandi samskiptavenjur. Nemendur eru áfram þjálfaðir í færniþáttunum tali, hlustun og ritun ásamt lesskilningi. Orðaforði er aukinn og ný málfræðiatriði þjálfuð. Auk þess er nemendum leiðbeint í notkun orðabóka og annarra hjálpargagna.

Gerðar eru meiri kröfur um sjálfstæð vinnubrögð og árangursríka námstækni.

Lokamarkmið áfangans:

Nemandi skal hafa aflað sér almennrar þekkingar og skilnings á:

• þeim orðaforða sem nauðsynlegur er til að ná hæfnimarkmiðum áfangans
• grundvallarþáttum þýska málkerfisins
• framburðarreglum og tónfalli
• þýskumælandi löndum og fengið aukna innsýn í menningu og siði þjóðanna
• samskiptavenjum og mismunandi notkun málsins eftir aðstæðum

Nemandinn skal hafa öðlast leikni í að:

• skilja einfaldar setningar, spurningar og upplýsingar sem tengjast daglegum athöfnum hans
• skilja einfaldar leiðbeiningar og fyrirmæli
• skilja stutta texta þar sem sagt er frá daglegu lífi, atburðum og tilfinningum eða óskað er eftir upplýsingum
• greina lykilatriði í stuttum textum, blaða- og tímaritsgreinum
• afla sér einfaldra, hagnýtra upplýsinga
• lýsa reynslu eða skoðun, hlutum og fólki
• koma með uppástungur, afsaka sig og biðja leyfis
• spyrja og svara einföldum spurningum um liðna atburði
• skrifa einfaldan texta um efni sem hann þekkir
• skrifa einföld persónuleg bréf, stuttar frásagnir og greina frá liðnum atburðum

Nemandi skal geta hagnýtt þá almennu þekkingu og leikni sem hann hefur aflað sér til að:

• hlusta á og fara eftir leiðbeiningum, skilaboðum og tilkynningum sem tengjast daglegum athöfnum og bregðast rétt við
• leysa úr viðfangsefnum einn eða í samstarfi við aðra
• tileinka sér meginefni í textum um daglegt líf og atburði, ásamt textum um menningarleg málefni
• takast á við tilteknar aðstæður í samskiptum og beita viðeigandi mál- og samskiptavenjum
• miðla á einfaldan hátt eigin þekkingu, skoðunum og tilfinningum sem og persónulegri reynslu
• miðla á einfaldan hátt efni sem hann hefur tileinkað sér í áfanganum
• skrifa um málefni og atburði byggða á persónulegri og ímyndaðri reynslu
• skipuleggja nám í áfanganum og námsaðferðir við hæfi
• meta eigið vinnuframlag og framfarir í málinu
• sýna aga, metnað, sjálfstæð vinnubrögð, jákvæðni og trú á eigin getu