ÞÝS403

Áfangalýsing

Orðaforði og málnotkunarreglur, sem komið hafa fram í undanförum, eru rifjaðar upp og þjálfaðar eftir því sem þurfa þykir. Jöfn áhersla er nú á munnlega tjáningu og skriflega færni með almennum orðaforða um daglegt líf í víðum skilningi. Áfram er lögð áhersla á samtalsæfingar í para- og hópvinnu og nemendur nú látnir segja skoðanir sínar á málefnum. Lögð er áhersla á að nemendur fái innsýn í aðstæður ungs fólks í þýskumælandi löndum. Ennfremur er fjallað um umhverfismál, fjölskylduna, vini og jólahald auk þess sem lesin er stytt skáldsaga og horft á kvikmynd. Áfram eru nemendur hvattir til þess að nýta sér upplýsingatækni í námi sínu og einnig til að nýta áfram þýsk-þýskar orðabækur við vinnu sína.

Áfangamarkmið

Hlustun

• geti skilið öll almenn fyrirmæli kennara á þýsku í kennslustofunni
• geti skilið daglegt talmál þegar talað er við hann hægt og skýrt með almennum algengum orðaforða um málefni er varða daglegt líf
• geti greint megininntak orðræðu um efni sem verið hefur til umfjöllunar þegar talað er á eðlilegum hraða við aðstæður þar sem hljóð í umhverfi torveldar ekki skilning

Lestur

• auki færni sína í að læra nýjan orðaforða
• geti lesið til skilnings texta létta texta með almennum orðaforða er tengjast daglegu lífi í starfi og leik
• geti lesið og skilið meginefni lengri texta og stuttra ljóða með almennum orðaforða
• geti dregið út lykilorð til að glósa
• geti nýtt sér orðabækur við upplýsingaöflun

Tal

• hafi á valdi sínu að nota þýsku í öllum almennum samskiptum sínum við kennara í kennslustofunni nema þegar flókinna útskýringa er þörf
• geti tjáð sig munnlega í einföldum setningum um afmarkað efni sem verið hefur til umfjöllunar, t.d. efni skáldsögunnar sem lesin er
• geti tjáð eigin skoðanir um efni sem fjallað hefur verið um
• geti beitt málnotkunarreglum nokkuð rétt í munnlegri orðræðu

Ritun

• geti tjáð sig skriflega með réttri stafsetningu í aðal- og aukasetningum um efni sem verið hefur til umfjöllunar
• geti skrifað persónuleg sendibréf á viðeigandi hátt (ávarp, kveðjur) um efni sem tengist honum sjálfum og atburðum í daglegu lífi, persónulýsingum, fyrirætlunum og væntingum
• geti skrifað stutta ritgerð
• geti tjáð sig skriflega um myndir eða stuttar myndasögur
• geti beitt málnotkunarreglum rétt í æfingum af mismunandi gerð