Sú menntastefna sem birtist í Aðalnámskrá framhaldsskóla byggir á sex grunnþáttum námsins:
Læsi
Sjálfbærni
Heilbrigði og velferð
Lýðræði og mannréttindum
Jafnrétti
Sköpun
Þessir grunnþættir eru bæði einstaklingsmiðaðir og samfélagsmiðaðir – einstaklingsmiðaðir að því leyti að markmiðið er að nemendur nái að þroska sig andlega og líkamlega, læri að bjarga sér og vinna með öðrum. Þeir eru einnig samfélagsmiðaðir þar sem þeim er ætlað að stuðla að auknu jafnrétti og lýðræði og að vinna að því samfélagið fái vel menntað og heilbrigt fólk sem vill hafa áhrif á samfélag sitt og breyta því til betri vegar
Í MA fléttast grunnþættirnir inn í allt skólastarfið, bæði nám og félagslíf. Allt skólastarf í MA byggir á skólasýninni og í skólasýninni eru allir grunnþættirnir dregnir fram. Í áfangalýsingum endurspeglast skólasýnin og sem dæmi um áfanga þar sem unnið er markvisst að grunnþáttum menntastefnunnar má nefna velgengnisdaga.
Síðast breytt: fim 29.mar 2012
