Í námi í eðlisfræði eiga nemendur að kynnast eðlisfræðinni sem vísindagrein og þróun hennar. Þeir eiga að hafa nokkurn skilning á aflfræði, varmafræði, bylgjufræði, ljósfræði, rafmagnsfræði og nútíma eðlisfræði og hlutverki eðlisfræðinnar í nútíma tæknisamfélagi og hvaða hlutverki hún gegnir í því að skýra heimsmynd okkar.
Að loknu námi í eðlisfræði í MA á nemandi að geta
-
leyst einfaldari verkefni í aflfræði, varmafræði, bylgjufræði, ljósfræði, rafmagnsfræði og nútíma eðlisfræði og hafa þekkingu á grundvallarhugtökum á þessum sviðum..
-
skipulagt og framkvæmt athugun á afmörkuðum viðfangsefnum, bæði að eigin frumkvæði sem og eftir leiðsögn.
-
á góðri íslensku og með viðeigandi fræðilegum hugtökum fjallað um viðfangsefni sín og náttúrufyrirbæri.
-
beitt viðeigandi mælingum, valið og notað þau hugtök og mælieiningar sem best henta hverju sinni, sýnt nákvæmni í vinnubrögðum og metið óvissu á mælistærðum.
-
beitt stærðfræðilegum aðferðum, óvissureikningi og gætt hlutlægni við úrvinnslu.
-
notað tölfræðilega framsetningu, s.s. töflur, línurit og skífurit, til þess að varpa ljósi á hugmyndir sínar, ályktanir og niðurstöður.
-
skráð á skipulegan hátt framgang vinnu sinnar með endurtekningu og úrvinnslu tilraunarinnar í huga, svo og kynningu niðurstaðna.
