Listir hafa fylgt manninum frá örófi alda og eru ein aðferða hans til að skilgreina reynslu sína og skilning. Með hjálp listanna hefur hann tjáð tilgang og merkingu mannlegrar tilveru og mótað umhverfi sitt. Í listiðkun öðlast maðurinn lífsfyllingu og finnur tilfinningum sínum og hugmyndum farveg.
Listnám stuðlar að eflingu sköpunargáfu.Frumleg tengslamyndun ásamt rökrænu mati og ályktun- arhæfni liggur til grundvallar því sem nefnt hefur verið sköpunargáfa. Í listum er nauðsynlegt að leika, spyrja og ögra, sem leiðir til óvæntra tenginga. Sköpunargáfan er einstaklingnum nauðsynleg til þess að mæta síbreytilegum kröfum nútímaþjóðfélags.
Listnám veitir tækifæri til að þroska fjölbreyttan og persónulegan tjáningarmáta.Tjáningarmáti einstaklingsins byggist á hinum ólíku þáttum greindar hans og hæfileika. Í listiðkun getur einstakling- urinn fundið sér leið til tjáningar og staðfestingar á eigin eðli og verðleikum. Listir endurspegla þannig fjölbreytileika mannlífsins. Listnám eflir sjálfsmynd og sjálfsskilning sem er grundvöllur farsældar í lífi og starfi.
Listnám dýpkar sjálfsvitund og tilfinningu fyrir stöðu í umhverfinu.Listir eru starfsvettvangur en jafnframt áhugamál sem veitir lífsfyllingu allt frá barnæsku til elli- ára. Að njóta lista er að næra tilfinningalíf og vitsmuni. Þær eru lífsgæði sem hver einstaklingur á rétt á að njóta.
Úr Aðalnámskrá framhaldsskóla, 1999
