Við skólann vinnur áhugasamt fólk um umhverfismál og má geta þess sérstaklega að starfsfólk tæknideildarinnar, ræstitæknar, bryti og starfslið hans hafa sýnt mikinn dugnað við flokkun pappírs, spilliefna og málma. Unnið hefur verið að betri nýtingu þessara efna ásamt orkusparnaði og öryggismálum svo fátt eitt sé nefnt.
Sérstakur verkefnahópur vann mikilvæga undirbúningsvinnu í skólanum að umhverfismálum árið 1997. Hópurinn sem skipaður var í haustið 2008 til að fara yfir drög að umhverfisstefnu lagði þau fram lítið breytt og skólaráð samþykkti þau á fundi í október 2008 sem umhverifsstefnu skólans.
Umhverfisstefna Menntaskólans á Akureyri er byggð á tillögum um umhverfisstefnu í ríkisrekstri sem umhverfisráðuneytið gaf út 1997 og samþykktar voru í ríkisstjórn 1997. Þar er hvatt til að allar opinberar stofnanir setji sér umhverfisstefnu.
Menntaskólinn á Akureyri hefur verið handhafi grænfánans frá því í maí 2009.
Síðast breytt: mið 25.apr 2012
