Framhaldsskólaeiningar: 5
Þrep: 3
Undanfari: LÍF2A05
Lýsing á efni áfangans
Í þessum áfanga er gert ráð fyrir að nemendur hafi góða líffræðilega grunnþekkingu því talverð áhersla verður á hlutverk heila og taugakerfis og ýmsar líffræðilegar skýringar á hugsun og atferli. Sálfræði sem fræðigrein verður kynnt stuttlega. Nemendur fara yfir grunnkenningar um greind, nám og minni, svefn og drauma. Þeir kynnast aðferðum við rannsóknir á sambandi huga og heila og sálrænni úrvinnslu skynfæra á umhverfisáreitum. Hugað verður að helstu röskunum sem menn glíma við og meðferðarúrræðum.
Lokamarkmið áfangans:
Nemandi skal hafa aflað sér almennrar þekkingar og skilnings á:
- mikilvægi við að beita vísindalegum aðferðum við rannsóknir.
- helstu kenningarkerfum innan sálfræðinnar eins og atferlisstefnu, hugfræði og lífeðlisfræðilegri sálfræði.
- grunnstarfi og uppbyggingu heila og taugakerfis.
- helstu aðferðum við að rannska samband hugar og heila.
- uppbyggingu hefðbundinna greindarprófa.
- hagnýtu gildi sálfræðinnar.
- nokkrum viðfangsefnum sálfræði svo sem minni, námi, svefni og skynjun.
- umhverfisþáttum og erfðum sem mótunaröflum mannshugans.
- útskýringum sálfræðinnar á helstu frávikum frá eðlilegu hugarstarfi.
- siðferði við rannsóknir.
Nemandi skal hafa öðlast leikni í að:
- beita grunnhugtökum sálfræðinnar.
- útskýra helstu hugmyndir sem móta fræðigreinina.
- lýsa hugmyndum atferlissinna um nám.
- lýsa viðteknum hugmyndum um minni
- meta kosti og galla hefðbundinna greindarmælinga.
- útskýra helstu frávik frá eðlilegu hugarstarfi.
- skoða samhengi sálfræðinnar við aðrar vísindagreinar.
- útskýra eigið atferli og hugsun út frá hugmyndum nokkurra sálfræðistefna.
- lesa í og skilja niðurstöður mikilvægra rannsókna í sálfræði.
- tjá kunnáttu sína í orði og riti.
Nemandi skal geta hagnýtt þá almennu þekkingu og leikni sem hann hefur aflað sér til að:
- tjá sig á gagnrýninn hátt um afmarkaða efnisþætti sálfræðinnar.
- sækja þekkingu úr öðrum greinum til aukins skilnings á viðfangsefninu og yfirfæra þekkingu á aðrar greinar til þess að sjá vísindalegt samhengi.
- sýna sjálfstæði og ábyrgð í vinnubrögðum.
- afla, meta og nota heimildir á viðurkenndan hátt.
- gera sér grein fyrir mótunaráhrifum umhverfis og erfða á eigin sjálfsmynd og annarra.
- skilja samspil atferlis, hugsunar og tilfinninga.
- hagnýta sálfræðina í daglegu lífi á jákvæðan hátt sér og öðrum til framdráttar.
Námsmat
Próf, ritgerð, rannsókn, fyrirlestur og ástundun (tímasókn, verkefnaskil, þátttaka í umræðum og fleira).