Framhaldsskólaeiningar: 5
Þrep: 2
Undanfari: STÆ2R050 eða STÆ2B05

Lýsing á efni áfangans:

Meginefni áfangans er hlutfallareikningur og fallafræði. Helstu efnisþættir eru hlutföll, einingaskipti, prósentur, vextir, fallahugtök, nokkur mikilvæg föll, diffrun og ferlarannsóknir.

Aðaláhersla áfangans verður á þjálfun í dæmareikning en einnig verður fjallað um hagnýtingu þessarra þátta í öðrum greinum, s.s. viðskiptafræði, hagfræði og félagsfræði.

Lokamarkmið áfangans:

Nemandi skal hafa aflað sér almennrar þekkingar og skilnings á:

 

Hlutfallareikning

  • hlutföllum, einingaskiptum, prósentum og vöxtum.

Fallafræði

  • helstu fallahugtökum og ferlum falla.

  • veldisföllum með heilum og brotnum veldisvísum.

  • margliðuföllum og ræðum föllum.

  • algildi, algildisfallinu og lausn algildisjafna.

  • vísisföllum.

  • logrum, lograföllum og lograreglum.

  • diffrun og diffurreglum.

  • formerkjamyndum, staðbundnum útgildum og beygjuskilum.

  • hagnýtingu diffurreiknings í öðrum greinum s.s. viðskipta- og hagfræði.

Táknmáli og röksemdafærslu stærðfræðinnar

  • meginreglum stærðfræðilegrar framsetningar námsefnisins.

 

Nemandi skal hafa öðlast leikni í að:

 

Hlutfallareikningur

  • nota hlutföll og prósentur.

  • skipta um einingar.

  • reikna vexti.

Fallafræði

  • finna skilgreiningar- og myndmengi ýmissa falla.

  • beita veldareglum, rótarreglum og lograreglum, m.a. til að leysa jöfnur.

  • vinna með algildi og leysa algildisjöfnur.

  • finna skurðpunkta ýmissa falla við ása hnitakerfisins.

  • diffra föll og einfalda lausnina ef hægt er.

  • gera formerkjamyndir og lesa út úr þeim.

  • gera gildatöflu og teikna föll á viðeigandi hátt.

  • rannsaka ferla falla

Táknmál og röksemdafærsla stærðfræðinnar

  • setja námsefnið fram skv. meginreglum stærðfræðilegrar framsetningar.

 

Nemandi skal geta hagnýtt þá almennu þekkingu og leikni sem hann hefur aflað sér til að:

 

  • skilja merkingu og tengsl hugtaka í námsefninu og vinna með þau.

  • beita gangrýninni hugsun og skipulögðum aðferðum við að leysa verkefni og þrautir s.s. út frá þekkingu á lausnum svipaðra þrauta, unnið til baka frá þekktum stærðum og/eða með því að setja upp jöfnur og leysa þær.

  • leysa orðadæmi með því að koma því á stærðfræðilegt form og túlka síðan lausnina í samhengi við upphaflegt verkefni.

  • átta sig á tengslum ólíkra aðferða við framsetningu stærðfræðilegra hugmynda og viðfangsefna.

  • skrá lausnir sínar skipulega og útskýra þær skilmerkilega fyrir öðrum á viðeigandi hátt.