Lönd og menning
Einingafjöldi: 4
Þrep: 2
Forkröfur: LÆSI2ME10
Áfanginn fjallar um menningu, sögu og landafræði Evrópu. Viðfangsefni geta m.a. verið kvikmyndir, matarhefðir, listasaga, tónlist og fleira. Áfanginn byggist upp á nokkrum þematengdum lotum og fá nemendur innsýn og aukinn skilning á samfélagi og menningu Evrópuþjóða. Áhersla er lögð á að nemendur verði læsir á menningu. Gestir frá ýmsum þjóðum heimsækja nemendur í áfanganum til að fræða þá um land og þjóð. Viðfangsefnin eru valin í samráði við kennara eftir áhugasviði nemenda.
Framsetning verkefna er fjölbreytt og lögð er áhersla á vandað málfar bæði í ræðu og riti.
Þekkingarviðmið
- hvernig menningareinkenni birtast í t.d. kvikmyndum, matarhefðum og listum
- helstu staðreyndum um landafræði og menningu nokkurra samfélaga í Evrópu
- helstu alþjóðastofnunum í Evrópu
Leikniviðmið
- bera kennsl á menningareinkenni ólíkra þjóða
- átta sig á hvernig menning endurspeglast m.a. í listum, matarhefðum, kvikmyndum og tónlist
- skipuleggja vinnubrögð sín í hóp- og einstaklingsverkefnum
Hæfnisviðmið
- geta gert skýra grein fyrir tilteknum þáttum í menningu þjóðar, jafnt munnlega og skriflega
- sýna ólíkum menningarheimum skilning
- búa yfir góðum lesskilningi og geta miðlað þeirri þekkingu
- lesa í menningu og siði annarra þjóða
- nýta sér nýjustu upplýsingatækni til að leysa fjölbreytt verkefni
- geta lagt sjálfstætt mat á upplýsingar og geta fengið hnitmiðaðar niðurstöður í framhaldinu
- kynna á markvissan hátt viðfangsefni fyrir öðrum með fjölbreyttum aðferðum og tekið þátt í rökræðum um þau
Nánari upplýsingar á námskrá.is