Nemendavernd

UMSJÓNARKENNARASTARF Í MENNTASKÓLANUM Á AKUREYRI

Allir kennarar í Menntaskólanum á Akureyri, sem eru í hálfu starfi eða meira, eru umsjónarkennarar. Í fyrsta og öðrum bekk eru tveir umsjónarkennarar, sem skipta með sér störfum en einn umsjónarkennari er í þriðja og fjórða bekk. Námsráðgjafar hafa yfirumsjón með umsjónarstarfi í MA.

Meginmarkmið umsjónarstarfs í Menntaskólanum á Akureyri

• að stuðla að betra gengi nemenda og draga á þann hátt úr brottfalli þeirra úr skóla.
• að stuðla að betri líðan nemenda í skólanum.
• að efla samkennd og samstöðu meðal nemenda og starfsfólks skólans.

Hlutverk umsjónarkennara í MA

• að veita nemendum upplýsingar um skólann og benda þeim á hvar þeir geta leitað sér upplýsinga um t.d. starfshætti, reglur, námsbrautir og valgreinar.
• að miðla upplýsingum frá stjórnendum og öðru starfsfólki skólans til nemenda.
• að fylgjast með ástundun og gengi nemenda og veita þeim persónulegt aðhald og stuðning.
• að fylgjast með mætingum nemenda.
• að stuðla að jákvæðum bekkjaranda.
• að sjá til þess að bekkurinn kjósi sér umsjónarmann.
• að vera talsmaður nemenda gagnvart stjórnendum skólans.
• að upplýsa forráðamenn ólögráða nemenda um gengi þeirra og ástundun, sé þess  óskað.
• Að hafa tiltekinn viðtalstíma fyrir nemendur og forráðamenn þeirra einu sinni í viku.
• Að sitja a.m.k. einn fund á ári/önn með forráðamönnum ólögráða nemenda.

Á velgengnisdögum eru umsjónarkennarar í 1. bekk leiðbeinendur/verkstjórar.