Skólinn

Menntaskólinn á Akureyri

Menntaskólinn á Akureyri er bóknámsskóli sem byggir á fornri hefð en leitast við að vera í fremstu röð framhaldsskóla á Íslandi. Stúdentar úr MA eiga að vera gjaldgengir í hvaða háskólanám sem er hvar sem er í veröldinni. Árangur þeirra hefur sýnt að skólinn stendur undir væntingum.

Hluti af hefð MA er afar öflugt félagsstarf, sem stýrt er og skipulagt af nemendum sjálfum. Metnaðarfullt og heilbrigt félagsstarf er ásamt traustu bóknámi gott veganesti á lífsins braut.

Nemendur skólans eru um 750 og koma víða að og drjúgur hluti þeirra býr á heimavist, sem nú er sjálfseignarstofnun og þjónar nemendum beggja framhaldskólanna á Akureyri, MA og VMA.

Í skólanum hefur verið samin námskrá og hefur þegar tekið gildi. Í henni er stefnt að enn sjálfstæðara námi nemenda og aukinni færni þeirra til að takast á við nám, jafnt heima sem í háskólum heimsins.

Hér á vefnum eru helstu upplýsingar um skólann og starf hans. Frekari upplýsingar má fá með því að senda tölvupóst á netfangið ma@ma.is eða skoða kynningarbæklinginn.

Myndin hér var tekin vorið 2009. Myndasmiður: Þórgnýr Dýrfjörð, gamall nemandi og kennari við MA.