Nám í öðrum skólum

Þegar nemandi flyst milli skóla, sem starfa samkvæmt aðalnámskrá framhaldsskóla, og skráir sig á tiltekið námssvið halda þeir áfangar gildi sínu sem hann hefur lokið með fullnægjandi árangri, svo framarlega sem þeir eru skilgreindur hluti af því sviði sem hann innritast á. Áfanga, sem kunna að falla utan sviðsins, má meta sem frjálst val.

Nám úr öðrum skólum er metið með einkunn, þ.e.a.s. einkunn flyst með nemandanum.

Eftir að nemandi hefur nám í Menntaskólanum á Akureyri er gert ráð fyrir því að hann fylgi námskrá bekkjarins og taki allar kjarna- og kjörsviðsgreinar í MA.

Undantekningar á því eru eftirfarandi:

1. Hægt er að fá metna inn framhaldsskólaáfanga sem nemandi hefur tekið áður en hann hefur nám við Menntaskólann, teljist þeir sambærilegir.

2. Ef nemandi skiptir um námsbraut er hægt að gera honum að taka áfanga í fjarnámi til að uppfylla skilyrði inn á brautina.

3. Ef skólinn getur ekki boðið upp á kennslu í kjarnagrein, s.s. norsku fyrir norskumælandi nemendur og sænsku fyrir sænskumælandi nemendur.

4. Ef nemandi hefur tekið próf og endurtökupróf í áfanganum en ekki náð en þarf áfangann staðinn til að komast upp á milli ára, er hægt að meta sambærilegt nám sem tekið er á sumarönn. Nemendum er bent á að athuga hjá námsbrautarstjórum áður en þeir skrá sig í sumarnám, hvort þeir áfangar teljist sambærilegir.

Að öðru leyti áskilur skólinn sér rétt til þess að meta ekki áfanga sem teknir eru í fjarnámi og tilheyra kjarna og kjörsviði viðkomandi námsbrautar.