Framhaldsskólaeiningar: 5
Þrep: 2
Undanfari: Enginn
Lýsing á efni áfangans
Grunnáfangi í sálfræði. Í þessum áfanga kynnast nemendur fræðigreininni sálfræði, sögu hennar, nokkrum viðfangsefnum og helstu straumum og stefnum innan hennar. Megináhersla er á þróun greinarinnar á tuttugustu öldinni og til okkar daga. Kynntar verða aðferðir í rannsóknum bæði bóklega og verklega.
Lokamarkmið áfangans:
Nemandi skal hafa aflað sér almennrar þekkingar og skilnings á:
- mikilvægi við að beita vísindalegum aðferðum við rannsóknir
- skilgreiningu á vísindalegri sálfræði og þróun sálfræðinnar sem vísindagreinar
- helstu kenningarkerfum innan sálfræðinnar eins og sálgreiningu, atferlisstefnu, hugfræði, manhyggju og samfélagsmenningarlegu viðhorfi
- hagnýtu gildi sálfræðinnar
- helstu undirgreinum sálfræðinnar svo sem þroskasálfræði, félagssálfræði, afbrigðasálfræði og námssálarfræði
- umhverfisþáttum og erfðum sem mótunanöflum mannshugans
- útskýringum sálfræðinnar á nokkrum þáttum hugsunar og atferlis eins og minnis, náms, svefns, greindar og persónuleika
- siðferði við rannsóknir
Nemandi skal hafa öðlast leikni í að:
- beita grunnhugtökum sálfræðinnar
- útskýra helstu hugmyndir sem mótað hafa fræðigreinina
- lýsa hugmyndum sálgreiningar um þroska persónuleikans
- lýsa viðbragðsskilyrðingu og virkri skilyrðingu
- gagnrýna greindarmælingar
- skoða samhengi sálfræðinnar við aðrar vísindagreinar
- útskýra eigið atferli og hugsun út frá hugmyndum nokkurra sálfræðistefna
- lesa í og skilja niðurstöður mikilvægra rannsókna í sálfræði
- tjá kunnáttu sína í orði og riti
Nemandi skal geta hagnýtt þá almennu þekkingu og leikni sem hann hefur aflað sér til að:
- tjá sig á gagnrýninn hátt um afmarkaða efnisþætti sálfræðinnar
- sækja þekkingu úr öðrum greinum til aukins skilnings á viðfangsefninu og yfirfæra þekkingu á aðrar greinar til þess að sjá vísindalegt samhengi
- sýna sjálfstæði og ábyrgð í vinnubrögðum
- afla, meta og nota heimildir á viðurkenndan hátt
- gera sér grein fyrir mótunaráhrifum umhverfis og erfða á eigin sjálfsmynd og annarra.
- skilja samspil atferlis, hugsunar og tilfinninga
- hagnýta sálfræðina í daglegu lífi á jákvæðan hátt sér og öðrum til framdráttar