Kristján Geir 2T í ólympíuliðinu í efnafræði

Kristján Geir Hirlekar verður í ólympíu-liðinu í efnafræði

Kristján Geir Hirlekar 2T tók þátt í framhaldskeppni í efnafræði um daginn og stóð sig einkar vel og lenti í 2. sæti. 

Fjórum stigahæstu keppendum er boðin þátttaka í íslenska landsliðinu í efnafræði 2024. Þeir sem þiggja sæti munu taka þátt í 56. Alþjóðlegu Ólympíukeppninni (IChO) sem haldin verður í Riyadh í Saudi Arabíu 21.-31. júlí og í 7. Norrænu efnafræðikeppninni sem verður haldin í Noregi dagana fyrir IChO.

Kristján stefnir ótrauður í þessar keppnir, enda efnafræði í miklu uppáhaldi hjá honum. 

Við óskum Kristjáni Geir innilega til hamingju með þennan frábæra árangur.