Framhaldsskólaeiningar: 5
Þrep: 3
Undanfari: Enginn
Lýsing á efni áfangans
Upphafsáfangi í sálfræði. Í þessum áfanga kynnast nemendur fræðigreininni sálfræði með hliðsjón af vitsmunaþroska barna og unglinga. Megináhersla er á þróun greinarinnar á tuttugustu öldinni og til okkar daga. Kynntar verða aðferðir í rannsóknum bæði bóklega og verklega.
Lokamarkmið áfangans:
Nemandi skal hafa aflað sér almennrar þekkingar og skilnings á:
- mikilvægi við að beita vísindalegum aðferðum við rannsóknir.
- helstu kenningarkerfum innan sálfræðinnar eins og sálgreiningu, atferlisstefnu, hugfræði, manhyggju og samfélagsmenningarlegu viðhorfi.
- hagnýtu gildi sálfræðinnar.
- nokkrum viðfangsefnum þroskasálfræði svo sem máltöku, geðtengslum, siðgæðisþroska, greindarþroska og þróun sjálfsmyndar.
- umhverfisþáttum og erfðum sem mótunaröflum mannshugans.
- útskýringum sálfræðinnar á helstu frávikum frá eðlilegum þroska.
siðferði við rannsóknir.
Nemandi skal hafa öðlast leikni í að:
- beita grunnhugtökum þroskasálfræðinnar.
- útskýra helstu hugmyndir sem mótað hafa fræðigreinina.
- lýsa hugmyndum sálgreiningar um þroska persónuleikans.
- meta kosti og galla hefðbundinna greindarmælinga.
- útskýra helstu þroskfrávik og námsörðugleika.
- skoða samhengi sálfræðinnar við aðrar vísindagreinar.
- útskýra eigið atferli og hugsun út frá hugmyndum nokkurra sálfræðistefna.
- lesa í og skilja niðurstöður mikilvægra rannsókna í sálfræði.
- tjá kunnáttu sína í orði og riti.
Nemandi skal geta hagnýtt þá almennu þekkingu og leikni sem hann hefur aflað sér til að:
- tjá sig á gagnrýninn hátt um afmarkaða efnisþætti þroskasálfræðinnar.
- sækja þekkingu úr öðrum greinum til aukins skilnings á viðfangsefninu og yfirfæra þekkingu á aðrar greinar til þess að sjá vísindalegt samhengi.
- sýna sjálfstæði og ábyrgð í vinnubrögðum.
- afla, meta og nota heimildir á viðurkenndan hátt.
- gera sér grein fyrir mótunaráhrifum umhverfis og erfða á eigin sjálfsmynd og annarra.
- skilja samspil atferlis, hugsunar og tilfinninga.
- hagnýta sálfræðina í daglegu lífi á jákvæðan hátt sér og öðrum til framdráttar.