Safe Exam Browser (SEB) leiðbeiningar

Safe Exam Browser er öryggisvafri sem er tengdur Moodle og þarf að setja upp áður en slíkt próf er tekið í fyrsta skiptið. 

1. Á meðan þú ert að taka prófið er bara hægt að vera í því og ekki hægt að opna neitt annað á meðan.
2. Þú getur ekki notað aðrar skipanir (t.d. CTRL + C eða Prt Scr), Safe Exam Browser (SEB) leyfir eingöngu að skrifað sé á lyklaborðið í prófinu.
3. Best er að nota Google Chrome (frekar heldur en t.d. Safari eða Edge) þegar próf er tekið í SEB.
4. Passið að hafa MA-lykilorðið ykkar við höndina þegar þið takið prófið. Ef þið eruð búin að gleyma því getið þið farið inn á lykilord.menntasky.is og valið ykkur nýtt lykilorð.

 

Hvernig á að ná í Safe Exam Browser?

Þegar þú opnar prófið inn á Moodle koma þessir valkostir. Ef þú hefur ekki sótt SEB áður smellir þú á "Download Safe Exam Browser" en ef þú ert búinn að sækja hann smellir þú á "Launch Safe Exam Browser". Leiðbeiningarnar hér að neðan miðast við að verið sé að sækja SEB í fyrsta sinn.

Næst þarftu að passa að velja rétta skrá, s.s. fyrir það stýrikerfi sem þú ert með. Þrennt kemur til greina:  Windows, Makkar eða iOS (fyrir Ipad) 

Niðurhal á forritinu fer strax í gang inni á SEB síðunni. Það getur tekið þó nokkra stund að sækja forritið og setja það upp á vélina og því er betra að gera þetta með góðum fyrirvara, jafnvel daginn áður en prófið er tekið.

 

Fyrir Windows tölvur (flettið neðar fyrir Makka): 

Þegar búið er að sækja skrána opnast gluggi þar sem þér er gefinn kostur á að vista skrána á tölvuna þína.

Næsta skref er að keyra forritið inn á vélina. Þú þarft að merkja við liðinn „I agree to the license terms and conditions“ og smella á hnappinn „Install“ og uppsetning fer í gang. Að uppsetningu lokinni smellir þú á hnappinn „Close“.

Þú getur gengið úr skugga um að forritið sé komið inn á vélina með því að opna Windows hnappinn og skrifað „Safe Exam Browser“ í leitargluggann.

Þegar þú ert búinn að setja forritið upp á vélina þá er það á vélinni næst þegar þú tekur próf í Moodle. Safe Exam Browser opnast sjálfkrafa þegar prófið sem á að taka er opnað. (Athugið að þegar próf er tekið á SEB er það alltaf opnað í gegnum Moodle en ekki með því að opna SEB beint í tölvunni). Þegar þú ætlar að taka próf þá opnar þú inn á prófið og velur hnappinn „Lunch Safe Exam Browser“.

Ákveðið ferli fer í gang þegar Safe Exam Browser ræsist upp.

Þú þarf að skrá þig inn í prófið með MA-emaili og lykilorði, passaðu að vera með lykilorðið á hreinu þegar þú mætir í prófið. 

Nú ætti prófið að opnast eftir að þú hefur valið að setja það í gang.

Neðst á skjánum getur þú séð að SEB forritið er opið. Vinstra megin sérðu táknið á forritinu og hægra megin er hnappur til að loka SEB að prófi loknu.

 

Fyrir Makka:

 Þegar skráin er búin að hlaðast niður er hún opnuð og þegar þessi gluggi birtist þarf að draga merkið fyrir SEB til hægri í möppuna.

Að því loknu birtist þessi gluggi og þá þar þarf að smella á open.

 

Þegar þú ert búinn að setja forritið upp á vélina þá er það á vélinni næst þegar þú tekur próf í Moodle. Safe Exam Browser opnast sjálfkrafa þegar prófið sem á að taka er opnað. (Athugið að þegar próf er tekið á SEB er það alltaf opnað í gegnum Moodle en ekki með því að opna SEB beint í tölvunni). Þegar þú ætlar að taka próf þá opnar þú inn á prófið og velur hnappinn „Lunch Safe Exam Browser“.

Ákveðið ferli fer í gang þegar Safe Exam Browser ræsist upp.

Þú þarf að skrá þig inn í prófið með MA-emaili og lykilorði, passaðu að vera með lykilorðið á hreinu þegar þú mætir í prófið. 

Nú ætti prófið að opnast eftir að þú hefur valið að setja það í gang.

Neðst á skjánum getur þú séð að SEB forritið er opið. Vinstra megin sérðu táknið á forritinu og hægra megin er hnappur til að loka SEB að prófi loknu.