Íslenskubrú

Brautarlýsing

Námsbrautin er ætluð byrjendum í íslensku á framhaldsskólaaldri. Námið á brautinni skiptist í fjórar annir og er megináhersla á íslenskukennslu á 1. og 2. þrepi (A1-B1 skv. evrópska tungumálarammanum). Með námi á brautinni er stefnt að því að nemendur verði sem best í stakk búnir til að taka virkan þátt í íslensku, lýðræðislegu þjóðfélagi. Brautin veitir ekki eiginleg réttindi, en með námi á brautinni er nemendum gert kleift að auka möguleika sína til náms og starfa í íslensku samfélagi.

Námsgreinin íslenska sem annað mál er ekki einungis tungumálakennsla. Saman fara markmið þar sem leitast er við að þjálfa nemendur í íslensku máli, sem og menningarfærni, og með því stuðla að félagslegri vellíðan nemandans. Þau fela í sér að nýja tungumálið sé lykill að íslensku samfélagi, íslensku skólastarfi, íslensku atvinnuumhverfi og brúi ólíka menningarheima.

Eitt af lokamarkmiðum námsins er að opna möguleika nemenda á frekara námi við íslenska framhaldsskóla. Við námslok á íslenskubrú er reiknað með að nemendur séu undirbúnir fyrir meira nám í íslenskum framhaldsskólum eða hafi bætt svo mjög íslenskukunnáttu sína að hún nýtist þeim á vinnumarkaði.

Forkröfur

Námsbrautin er opin byrjendum í íslensku á framhaldsskólaaldri, óháð námslegum bakgrunni.

Skipulag

Námið á brautinni skiptist í fjórar annir og er megináherslan á íslenskukennslu á 1.og 2. þrepi (A1 – B1 skv. evrópska tungumálarammanum).  Miðað er við að taka nemendur inn í samræmi við getu þeirra í íslensku. Þannig geta sumir nemendur tekið námið á styttri tíma. Að námi loknu geta nemendur útskrifast með 98 einingar eða innritast í annað skilgreint nám á framhaldsskólastigi. Auk íslenskuáfanga eru áfangar í ensku, stærðfræði, menningar-og náttúrulæsi, leiklist, íþróttum og upplýsingatækni. Reynt er að mæta nemendum sem hafa góðan grunn í ensku og stærðfræði með því að bjóða þeim að sækja áfanga á öðrum brautum. Allt nám á íslenskubrú er hugsað til undirbúnings fyrir frekara nám á framhaldsskólastigi.

Námsmat

Í skólanum er lögð áhersla á fjölbreyttar aðferðir við námsmat sem fer fram með mismunandi hætti eftir ákvörðun kennara, í samræmi við skólanámskrá.

Hæfniviðmið

Að loknu námi skal nemandi hafa hæfni til að:

• skilja aðalatriði venjulegs talmáls um efni sem hann þekkir og tengjast skóla
• geta lesið texta á íslensku sem innihalda algeng orð og orðaforða tengd námi sínu, sér til fróðleiks og ánægju
• geta óundirbúið tekið þátt í samræðum um almenn málefni og notað viðeigandi málfar og hljóðfall
• geta skrifað samfelldan texta um efni sem hann þekkir eða hefur áhuga á
• geta tjáð sig á viðeigandi hátt um ólík efni bæði munnlega og skriflega
• geta notað fjölbreyttan orðaforða daglegs lífs
• hafa skilning á málkerfi og eiginleikum íslensku
• hafa trú á eigin málkunnáttu
• gera sér grein fyrir hvernig kunnátta í íslensku er lykill af margvíslegum samskiptum

Skipulag eftir önnum

Description

Students: Beginners in Icelandic (A1-B1) aged 16-18.

Studies:

• 1-4 semesters (according to ability and performance)
• Intensive Icelandic lessons, weekdays
• Studies that prepare you for further studies in an Icelandic upper secondary school.
• We provide support to those who have recently arrived in Iceland.
• We focus on a good and safe school environment.

Who can apply? Young people, 16 to 18 years old, who live in Akureyri and the surrounding area and want to learn Icelandic before entering further studies in Iceland.

Study-period:

4 semesters.
Autumn semester: from August to December
Spring semester: January to May

Dates: The program starts in mid-August each year. It is also possible to start in January. Applications are sent to johanna@ma.is

Tuition fees: 40.500 ISK for the school year (August-May).

After studying Icelandic, students should have the following qualifications:  

• Spoken and written Icelandic at proficiency level B1 according to the European Framework of Reference for Languages (CEFR).
• Be able to enter vocational training at an Icelandic secondary school.
• Be able to enter academic studies in an Icelandic upper secondary school (Stúdentspróf) which gives them qualifications to study at a university.
• Possibly enter certain subjects at Icelandic universities where the qualifications are B1.
• Work in Iceland.

Further information and applications: johanna@ma.is

Algengar spurningar (FAQ)

• Hvað er ég lengi að læra íslensku?

Brautin er tvö ár. En það er mismunandi hvað fólk er lengi að læra nýtt tungumál.

• Þarf ég að sýna einhver gögn til að sækja um?

Nei, við þurfum engin gögn.

• Hvað eru margir í bekknum?

 Hámark 15 nemendur.

• Get ég byrjað í febrúar?

Nei, því miður. Það er hægt að byrja í ágúst og í janúar.

• Get ég fengið styrk fyrir skólagjöldum?

      Stundum er það hægt. Hafðu samband við okkur og talaðu við sveitarfélagið þitt.