Mála- og menningarbraut

Forkröfur

Almenn inntökuskilyrði eru að nemendur hafi hlotið B eða hærra í ensku, íslensku og stærðfræði á grunnskólaprófi. Ef fleiri sækja um skólann en hægt er að innrita áskilur skólinn sér rétt til að velja þá nemendur sem hann telur hafa bestan undirbúning hverju sinni. Nánar er kveðið á um inntökuskilyrði í skólanámskrá.

Skipulag

Nám á mála- og menningarbraut er fyrst og fremst bóklegt og áhersla lögð á nám í tungumálum og öðrum hugvísindum. Skipulagið byggir bæði á bekkjar- og áfangakerfi.

Námsmat

Í skólanum er lögð áhersla á fjölbreyttar aðferðir við námsmat sem fer fram með mismunandi hætti eftir ákvörðun kennara, í samræmi við skólanámskrá.

Hæfniviðmið

Að loknu námi skal nemandi hafa hæfni til að ...

• takast á við nám á háskólastigi, sérstaklega í tungumálum og öðrum hugvísindum
• hafa náð færni í þeim tungumálum sem hann hefur valið að leggja stund á
• vera læs á menningu og siði ýmissa menningar- og málsamfélaga
• geta tjáð sig skýrt og skipulega í ræðu og riti og fært rök fyrir skoðunum sínum á vandaðri íslensku
• beita sjálfstæðum og öguðum vinnubrögðum
• afla gagna, vinna úr, meta og miðla upplýsingum á gagnrýninn hátt
• átta sig á að tungumálið er stór þáttur í sjálfsmynd einstaklings og þjóðar
• taka þátt í rökræðum um samfélagsleg málefni
• beita skapandi og gagnrýninni hugsun
• vera virkur og ábyrgur borgari í lýðræðissamfélagi
• efla eigin sjálfsmynd og nýta styrkleika sína
• skilja nærumhverfi sitt og stöðu þess í alþjóðlegu samhengi út frá fræðilegum forsendum
• gera sér grein fyrir eigin ábyrgð í vist- og umhverfismálum og hvernig hann getur miðlað reynslu sinni og þekkingu til góðs í átt að sjálfbærni

Áfangar

Kjarni

Tungumálaval

Frjálst val

Nemendur taka 25 einingar í vali, þar af skulu a.m.k. 10 einingar tilheyra sérgreinum brautarinnar. Nemendur þurfa að hafa kröfur aðalnámskrár um hlutföll hæfniþrepa til hliðsjónar við val sitt.

Skipulag eftir önnum