Kjörnámsbraut með áherslu á tónlist

Forkröfur

Almenn inntökuskilyrði eru að nemendur hafi hlotið B eða hærra í ensku, íslensku og stærðfræði á grunnskólaprófi. Ef fleiri sækja um skólann en hægt er að innrita áskilur skólinn sér rétt til að velja þá nemendur sem hann telur hafa bestan undirbúning hverju sinni. Nánar er kveðið á um inntökuskilyrði í skólanámskrá.

Auk þess gilda þau inntökuskilyrði sem viðkomandi tónlistarskóli setur um þær námsleiðir sem teljast gjaldgengar til að geta lokið stúdentsprófi af kjörnámsbraut, þ.e. þarf að ljúka framhaldsprófi í tónlistarskóla, tveimur miðprófum eða viðurkenndri námsleið í tónlistarskóla sem inniheldur að lágmarki 90 einingar í tónlist, svo sem skapandi tónlist.

Umsækjendum og forráðafólki er bent á að til að hefja nám á brautinni þurfa nemendur að hafa trygga skólavist í tónlistarskóla. Nemendur og forráðafólk greiða skólagjöld viðkomandi tónlistarskóla.

Skipulag

Nám á kjörnámsbraut með áherslu á tónlist samanstendur af bóklegum kjarna, sérhæfingu í tónlist og almennu vali. Skipulagið byggir bæði á bekkjar- og áfangakerfi, svo að nemandi á brautinni fylgir bekk í bóklegum greinum en tekur tónlistarnámið hjá tónlistarskóla.

Tónlistarnám

Til að ljúka námi á brautinni þarf að ljúka framhaldsprófi í tónlistarskóla, tveimur miðprófum eða skilgreindri námsleið í tónlistarskóla sem inniheldur að lágmarki 90 einingar í tónlist, svo sem skapandi tónlist.

Dæmi um námsleiðir í tónlist:

• Klassísk tónlist (hljóðfæri eða söngur) 94 einingar við TónAk
• Rytmísk tónlist (hljóðfæri) 96 einingar við TónAk
• Rytmísk tónlist (söngur) 98 einingar við TónAk
• Skapandi tónlist 90 einingar við TónAk

Námsmat

Í skólanum er lögð áhersla á fjölbreyttar aðferðir við námsmat sem fer fram með mismunandi hætti eftir ákvörðun kennara, í samræmi við skólanámskrá.

Hæfniviðmið

Að loknu námi skal nemandi hafa hæfni til að ...

• takast á við nám á háskólastigi, sérstaklega í tónlist
• taka þátt í upplýstri umræðu um umhverfismál og lífsskilyrði jarðarbúa, vísindi og tækni
• geta tjáð sig skýrt og skipulega í ræðu og riti og fært rök fyrir skoðunum sínum á vandaðri íslensku
• hafa tileinkað sér tölulæsi og meðferð talna
• beita sjálfstæðum og öguðum vinnubrögðum
• afla gagna, vinna úr, meta og miðla upplýsingum á gagnrýninn hátt
• beita skapandi og gagnrýninni hugsun
• vera virkur og ábyrgur borgari í lýðræðissamfélagi
• efla eigin sjálfsmynd og nýta styrkleika sína
• afla sér nýrrar þekkingar og viðhalda henni
• gera sér grein fyrir eigin ábyrgð í vist- og umhverfismálum og hvernig hann getur miðlað reynslu sinni og þekkingu til góðs í átt að sjálfbærni
• nýta sér almenna og góða þekkingu á náttúruvísindum

Áfangar

Kjarni

* Nemandi sem fylgir HB, NB eða RTB tekur ENSK3NE05, STÆR2AL05 og STÆR2RU05.

Tungumálaval

Tónlistarnám

Nemendur ljúka a.m.k. 90 einingum í tónlist með því að ljúka framhaldsprófi, tveimur miðprófum eða annarri skilgreindri námsleið í tónlistarskóla. 

Frjálst val

Nemendur taka 20 einingar í vali, þar af skulu a.m.k. 10 einingar tilheyra sérgreinum brautarinnar. Nemendur þurfa að hafa kröfur aðalnámskrár um hlutföll hæfniþrepa til hliðsjónar við val sitt.

Skipulag eftir önnum

Röðun áfanga á annir fer eftir því á hvaða braut bekkurinn er sem nemandinn er skráður í. Nemandi getur óskað eftir því að fylgja einhverri ákveðinni braut og einnig getur hann óskað eftir að taka fleiri áfanga með bekknum sínum en krafa er gerð um í kjarna. Hægt er að sjá niðurröðun áfanga á annir á brautalýsingum hinna brautanna.