Sædís Heba 1H er skautakona ársins

Sædís Heba skautakona ársins. Myndin er fengin af vef Skautasambands Íslands.

Stjórn Skautasambands Íslands, í samvinnu við Afreksnefnd ÍSS, hefur tilnefnt Sædísi Hebu Guðmundsdóttur sem skautakonu ársins 2025. Sædís Heba er nemandi á fyrsta ári í MA.

Á vef Skautasambands Íslands segir: ,,Sædís Heba er fremsti íslenski skautarinn í Junior flokki og hefur sýnt sig og sannað með frammistöðu sinni bæði innan- og utanlands. Hún er metnaðarfull, einbeitt og sýnir mikla þrautseigju og verður gaman að fylgjast með henni á næstu árum."

Menntaskólinn á Akureyri óskar Sædísi Hebu innilega til hamingju með verðskuldaða viðurkenningu.