Einingafjöldi: 5
Þrep: 3
Forkröfur: ENSK3BÁ04

Þessi enskuáfangi er sá næstsíðasti á mála- og menningarbraut. Í áfanganum verður lesið ágrip af enskri bókmenntasögu frá upphafi fram á 19. öld með það fyrir augum að nemendur geti tekist á við lestur texta frá ólíkum tímabilum. Lesnir verða skemmri textar og sýnishorn úr lengri textum frá merkustu tímabilum bókmenntasögunnar ásamt einni skáldsögu frá þessum tímabilum. Jafnframt verður stórt leikverk eftir William Shakespeare tekið til yfirferðar. Áfram verður unnið með þá færni sem nemendur hafa tileinkað sér í fyrri áföngum.

Þekkingarviðmið

Nemandi skal hafa öðlast þekkingu og skilning á:

  • uppruna tungumálsins, útbreiðslu og þróun þess
  • bókmenntasögu og tengslum bókmennta við engilsaxneska menningu og sögu
  • þekktum bókmenntaverkum í enskri bókmenntasögu
  • orðaforða sem gerir honum kleift að tileinka sér með góðu móti lesefni í áframhaldandi námi.

Leikniviðmið

Nemandi skal hafa öðlast leikni í að:

  • nota tungumálið á sveigjanlegan og árangursríkan hátt í samræðum um mál sem eru efst á baugi hverju sinni
  • skilja almennt talað mál þar sem frásögnin er ekki sett skipulega fram eða verið að talað um flókna hluti
  • beita ritmálinu í mismunandi tilgangi, fræðilegum og persónlegum og prófað ólík stílbrigði og málsnið.

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

  • búa yfir hæfni til að lesa og greina bókmenntatexta með frá helstu tímabilum enskrar bókmennta- og málsögu
  • greina líkingamál og flókinn orðaforða sem og bókmenntafræðihugtök
  • gera grein fyrir viðfangsefnum sínum á lipurri, blæbrigðaríkri og að mestu hnökralausri ensku
  • tjá tilfinningar, nota hugarflugið og beita stílbrögðum, t.d. myndmáli og líkingamáli.