Einingafjöldi: 5
Þrep: 2
Forkröfur: Þrír áfangar í frönsku

Í boði fyrir: Allar brautir
Námsmat: Lokið/ólokið. Byggt á verkefnavinnu, mætingu og ferð til Parísar
Kostnaður: Nemendur bera sjálfir kostnað af ferð til Parísar
Annað: Áfanginn telst til sérgreina mála- og menningarbrautar og hafa nemendur á þeirri braut forgang í áfangann svo fremi að þeir uppfylli reglur skólans um mætingar. Hámarksfjöldi nemenda í áfangann er 25

Markmið áfangans er að kynna höfuðborg Frakklands París á sem fjölbreyttastan hátt. Fléttað er inn í kennsluna og verkefni nemenda færniþáttunum fjórum; lesskilningi, tali, hlustun og ritun. Nemendur afla sér þekkingar á sögu borgarinnar, menningu, helstu kennileitum, daglegu lífi íbúanna og kynna fyrir hópnum á frönsku eða íslensku. Heimildarefnin eru nytjatextar, svo sem blaða- og tímaritsgreinar, sönglög, fræðslu- og skemmtiefni, heimildarmyndir og leikið efni um borgina. Eftir nokkurra vikna vinnu er farið til Parísar þar sem nemendur fara í skoðunarferðir og afla sér efni til kynningar. Eftir heimkomuna vinna nemendur með þetta efni á fjölbreyttan hátt. Ætlast er til frumkvæðis af hálfu nemenda hvort sem er við tæknilegur útfærslur eða hugmyndasmíð. Mikið er lagt upp úr sjálfstæði og skipulögðum vinnubrögðum hjá nemendum.

Þekkingarviðmið

Nemandi skal hafa öðlast þekkingu og skilning á:

  • þeim orðaforða sem nauðsynlegur er til að ná leikni- og hæfnimarkmiðum áfangans
  • viðeigandi orðaforða sem er nauðsynlegur til að bjarga sér við mismunandi aðstæður í franskri stórborg
  • sögu Parísar, uppbyggingu hennar og skipulagi
  • umhverfi Parísar, fengið innsýn í menningu, sögu og siði borgarinnar
  • daglegu lífi íbúa Parísar, samgöngum og atvinnulífi

Leikniviðmið

Nemandi skal hafa öðlast leikni í að:

  • skilja talað mál kennara og annarra í hópnum
  • skilja talað mál við mismunandi aðstæður daglegs lífs
  • taka þátt í einföldum samræðum um efni sem hann þekkir eða hefur áhuga á
  • rita frönsku í einföldu formi í nútíð og þátíð
  • beita kurteisvenjum og málvenjum sem eiga við í mismunandi samskiptum og aðstæðum
  • segja frá sjálfum sér og atburðum í nútíð og þátíð
  • rita frásögn í þátíð þar sem hann segir frá sjálfum sér og athöfnum sínum

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

  • taka þátt í einföldum samræðum og nota mismunandi samskiptaform eftir aðstæðum
  • afla sér upplýsinga á vettvangi t.d. í viðtölum
  • lesa og túlka upplýsingar til að bjarga sér í franskri stórborg
  • eiga samskipti við fólk sem hefur frönsku að móðurmáli, til að afla sér upplýsinga og fá þjónustu
  • geta sagt frá sjálfum sér og tilgangi ferðarinnar sem hann er í
  • geta útskýrt í rituðu máli ýmislegt sem varðar reynslu hans af dvöl í frönskumælandi borg
  • meta eigið vinnuframlag og framfarir í áfanganum
  • þróa með sér aga, metnað, sjálfstæð vinnubrögð, jákvæðni og trú á eigin getu í frönskunámi