Nútímabókmenntir, ritun og þýðingar
Einingafjöldi: 5
Þrep: 3
Forkröfur: ÍSLE3FR05
Viðfangsefni áfangans eru íslenskir bókmenntatextar og bókmenntasaga frá 1900 til okkar daga auk þýðinga og ritunar. Áhersla er lögð á að nemendur kynnist bókmenntum tímabilsins frá ýmsum sjónarhornum og geti sett þær í samhengi við strauma og stefnur í þjóðfélags- og menningarmálum, bæði hérlendis og erlendis. Nemendur lesa a.m.k. eina skáldsögu, smásögur og greinar sem þeir vinna úr á markvissan hátt en hér er lagt upp úr sjálfstæðum vinnubrögðum. Skrifuð er ritgerð og unnið að fjölbreyttum þýðingum. Farið er í leikhús og viðburðir í menningarlífi nærsamfélagsins nýttir.
Þekkingarviðmið
- ritgerðarsmíð og úrvinnslu heimilda
- orðaforða sem nægir til að lesa helstu verk íslenskra bókmennta
- helstu einkennum íslensks máls sem nýtist í ræðu, riti og þýðingum
- helstu aðferðum við að þýða úr erlendu máli yfir á íslensku
- mismunandi tegundum bókmennta og nytjatexta, öllum helstu bókmenntahugtökum og bókmenntastefnum 20. og 21. aldar
Leikniviðmið
- skrifa ritgerðir og greinar þar sem hann beitir gagnrýnni hugsun við úrvinnslu og kemur efninu á framfæri á skýran og greinargóðan hátt
- skilja og nota algeng stílbrögð, orðatiltæki og menningarlegar vísanir í máli sínu
- lesa og greina ólíka texta frá ýmsum tímum
- greina mismunandi sjónarmið
- þýða fjölbreytta texta úr erlendu máli
- standa fyrir máli sínu í ræðu og riti
Hæfnisviðmið
- skrifa skýran og vel uppbyggðan texta og geta valið ritstíl eftir aðstæðum og viðmælendum
- beita málinu á viðeigandi og árangursríkan hátt við mismunandi aðstæður í ræðu og riti
- beita gagnrýnni hugsun við lestur, túlkun og úrvinnslu krefjandi texta
- öðlast skilning á samfélagslegum skírskotunum og hlutverki bókmennta
- tjá rökstudda afstöðu, taka þátt í málefnalegum umræðum og samstarfi
- sýna frumkvæði og sjálfstæði í vinnubrögðum
- sýna þroskaða siðferðisvitund, víðsýni, sköpunarhæfni og samlíðan í málflutningi sínum, umfjöllun og verkum
Nánari upplýsingar á námskrá.is