Á annamótum

Heimur vonar MA

Reglulegum haustannarprófum í Menntaskólanum á Akureyri er lokið að þessu sinni. Síðustu sjúkraprófum er jafnframt að ljúka og kennarar vinna að því að undirbúa upphaf vorannar. Fyrsti skóladagur á vorönn er fimmtudagurinn 31. janúar.

Þriðjudaginn 29. janúar er Þorrastefna í MA, en það er samfundur allra starfsmanna skólans. Miðvikudaginn 30. janúar fara kennarar í Íslandsáfanganum í heimsókn í þrjá skóla á höfuðborgarsvæðinu og kynna sér hvernig ný námskrá hefur verið innleidd þar. Starfsfólk fjölmargra skóla hefur komið í kynnisheimsóknir og kynnt sér innleiðingu nýrrar námskrár í MA og kennarar héðan hafa farið með kynningar á námskránni og Íslandsáfanganum í grunn- og framhaldsskólum víðs vegar um landið.

Fyrsti skóladagurinn á vorönn, fimmtudagurinn 31. janúar, fer að mestu í prófsýningar og kynnisfundi, sem hér segir:

• 2. bekkur raungreinasviðs hittir eðlisfræðikennara sína kl. 9:30 í M9.
• 1. og 2. bekkur hittir umsjónarkennara sína kl. 10:00 (stofutafla verður á auglýsingatöflu í anddyri Hóla).
• Prófsýningar í 1. og 2. bekk hefjast kl. 10:20 (eða strax að loknum umsjónartímum).
• Prófsýningar í 3. og 4. bekk hefjast kl. 11.

Kennarar munu auglýsa prófsýningar, stað og stund, á auglýsingatöflunni í anddyri Hóla. Sumir kennarar, sem kenna sömu bekkjum á haustönn og vorönn, munu sýna próf í fyrstu kennslustund.

Regluleg kennsla samkvæmt stundaskrá hefst föstudaginn 1. febrúar.