Auður með tónleika í Kvosinni

Mynd: Fésbókarsíða TóMA

TóMA, Tónlistarfélag Menntaskólans á Akureyri, býður til tónlistarveislu í Kvosinni í kvöld, fimmtudaginn 13. febrúar. Listamaðurinn Auður er flestum vel kunnur, ekki síst eftir velgengni hans á vinsældarlistum á liðnu ári með laginu Enginn eins og þú.

Birkir Blær Óðinsson sér um að koma mannskapnum í rétta gírinn áður en Auður stígur á stokk kl. 21:00. Tónleikarnir standa í u.þ.b. klukkustund.

Aðgangsmiðar verða seldir við inngang. Miðinn kostar 1500 krónur. Samkvæmt fésbókarsíðu TóMA verður enginn posi á staðnum en tekið verður við greiðslum í gegnum Aur og Kass. Fólk er hvatt til að koma með seðla til að forðast biðraðir.

Tónleikarnir eru áfengis- og vímuefnalaus viðburður.