Brautskráning 17. júní - breytt tímasetning

Kolbrún, formaður skólafélagsins 2018-19, heldur ræðu við brautskráningu. Myndina tók Guðjón H. Hauksson.

Brautskráning hefst kl. 11.00 í ár og í kjölfar hennar verður myndataka. Öllu ætti að vera lokið í síðasta lagi kl. 14. 

Stúdentsefnin þurfa að vera mætt í skólann á slaginu 10.00, þá verður létt æfing og raðað upp fyrir gönguna yfir í Höllina.

Það eru enn fjöldatakmarkanir svo við höldum okkur við tvo gesti á mann og Höllinni verður skipt upp í svæði. Athöfninni verður streymt þannig að þeir sem ekki geta verið viðstaddir, geta fylgst með henni í beinni.

Skólinn verður opinn á meðan á myndatöku stendur (en því miður verður ekki boðið upp á veitingar eins og venja er til).

Anna Sigríður og Rannveig, siðameistarar brautskráningar