Brunnárhlaup 28. september í evrópskri hreyfiviku

Upphitun fyrir Brunnárhlaup fyrir margt löngu

Brunnárhlaupið verður haldið miðvikudaginn 28. september. Leiðin er u.þ.b. 4 km löng og liggur suður Þórunnarstræti, niður Miðhúsabraut, norður Aðalstræti og upp Spítalastíg heim að skóla.

Hringt verður á sal kl. 11:00 og öll boðuð út á bílaplanið norðan við Gamla skóla. Upphitun verður frá kl. 11:05 og hlaupið hefst kl. 11:15.

Reiknað er með þátttöku allra nemenda skólans og starfsmanna sem mögulega geta tekið þátt.

Hægt er bæði að ganga og hlaupa og tekin verður mæting þegar komið er í mark.

Verðlaun eru veitt fyrir þann bekk sem mætir best í hlaupið (prósentuhlutfall). Einnig eru verðlaun fyrir fyrstu þrjú sætin í stelpu- og strákaflokki.

Kennsla hefst svo aftur kl. 13:05.

Hlaupið er hluti af evrópsku hreyfivikunni.