Ensk smásagnakeppni

Þóra Kristín, Magdalena og Jón Ingvi

Við upphaf prófa í desember afhentu enskukennarar skólans verðlaun fyrir smásögur í keppni á vegum Félags enskukennara á Íslandi. Um það segir í fréttatilkynningu:

Í vikunni sem prófin byrjuðu afhentum við, kennarar enskudeildar, 3 nemendum viðurkenningar fyrir smásögur sem þau skrifuðu til að senda suður í smásagnakeppni FEKÍ, Félags enskukennara á Íslandi, framhaldskólahluta. Þesssir þrír nemendur voru að mati kennari enskudeildar með bestu sögurnar af þeim sem sendar voru inn til deildarinnar.

Þessir nemendur eru: Jón Ingvi Ingimundarson, Magdalena Sigurðardóttir og Þóra Kristín Karlsdóttir

Í viðurkenningarskyni gaf Penninn hverju þeirra bók og skólinn gaf MA-poka, bókamerki og penna. ).

Nú hafa borist þau tíðindi að sunnan að að saga Magdalenu hafi lent í þriðja sæti í framhaldsskólakeppninni. Við óskum henni til hamingju með það.