Fjarmenntabúðir fyrir skólafólk um fjarkennslu og upplýsingatækni

Viðfangsefni menntabúðanna er fjar- og netkennsla sem og notkun upplýsingatækni í námi og samskiptum. Mynd: Adweek

Fimmtudaginn 18. febrúar bjóða Háskóli Íslands og Háskólinn á Akureyri upp á fjarmenntabúðir í samvinnu við Fræðslumiðstöð atvinnulífsins. Fleiri koma að framkvæmd búðanna en þær eru hluti af verkefninu Fjarmenntabúðir: Stuðningur háskóla við skólastarf með stafrænni tækni.

Á heimasíðu Kennarasambands Íslands segir um menntabúðirnar að þær séu „Óformlegur vettvangur fyrir skólafólk til þess að miðla tilraunum og lausnum og læra hvert af öðru á netinu í rauntíma. Að þessu sinni er áhersla á fjar- og netkennslu og notkun upplýsingatækni í námi og samskiptum á framhalds- og háskólastigi og í fullorðinsfræðslu.“

Menntabúðirnar fara fram með Zoom fjarfundabúnaði og hefjast kl. 15:00. Þátttaka er öllum opin án skráningar.