Fjölmennt á kynningu á hraðlínu

Hildur kynnir Hraðlínu

Fjölmennt var á kynningu á hraðlínu í MA í Kvosinni í gær. Um 80 gestir komu auk núverandi og eldri nemenda á hraðlínu.

Í upphafi léku og sungu Tumi Hrannar Pálmason og Freyja Steindórsdóttir eitt lag, en þau eru fyrrum hraðlínufólk. Hildur Hauksdóttir sem er verkefnastýra kynnti síðan línuna og tveir nemendur á hraðlínu í vetur, Steinunn Gréta Kristjánsdóttir og Linda Marie Thorarensen sögðu frá því hvernig er að vera hér. Að lokum var heilmikið spjallað og spurt og þetta var hin ágætasta samkoma.