Í skólanum i skammdeginu

Í Kvosinni 4. des. 2009

Dagarnir styttast. Nemendur og kennarar koma í skólann á myrkum morgnum og sumir komast ekki heim á ný fyrr en dimmt er orðið. Í rafljósi skólahúsanna iðar þó allt af lífi. Til þess að lýsa ögn skammdegið utan dyra eru ljósin á jólatrénu á skólatorginu og seríur í gluggum Heimavistar, en á venjulegum vinnudegi er gluggað í bækur og unnið að verkefnum og öðru námi hvort sem er í kennslustofum eða í Kvosinni og á Bókasafninu. Þessar myndir voru teknar í lok síðustu viku.