Jólatónleikar og skólablað

Skjáskot af jólatónleikum TóMA og forsíðu skólablaðs, fengið af fésbókarsíðu Hugins

Skólafélag MA slær ekki slöku við þessa dagana þrátt fyrir erfiðar aðstæður til samkomuhalds og útgáfuveislna. Í gær var jólatónleikum TóMA streymt á netinu. Dagskrá tónleikanna var stútfull af vel völdum jólalögum í bland við aðrar uppákomur. Í dag er svo annar skemmtilegur viðburður á dagskrá.

Eftirfarandi tilkynningu má sjá á fésbókarsíðu Hugins:

Jólin koma snemma í ár því haustblað Munins kemur út á MA planinu í dag, 7. desember frá 15:00-17:00.

Mælum með að koma á bíl og fá afhent blöð inn í hann til að passa upp á sóttvarnir.

Hlökkum til að sjá ykkur.