Klassík á Sal

Frá tónleikum strengjasveitar úr Tónlistarskólanum á Gamla Sal

Í löngu frímínútum í dag voru tónleikar á Sal í Gamla skóla. Þar var komin strengjasveit úr Tónlistarskólanum á Akureyri undir stjórn Guðmundar Óla Gunnarssonar. Sveitin spilaði nokkur dæmi úr klassíska safninu, meðal annars eftir Mozart og Elgar. Í sveitinni voru aðallega nemendur MA, en fjölmargir menntaskólanemar stunda jafnframt nám í Tónlistarskólanum.

Salur í Gamla skóla er afar gott tónleikarými, klæðningar í þessu hundrað ára gamla timburhúsi gefa ótrúlega fagran og góðan hljóm.

Myndina tók Stefán Erlingsson