Lok haustannar - námsmat og félagslíf

Útgáfu haustblaðs Munins fagnað í Kvosinni 2019

Nú styttist heldur betur í lok haustannar. Aðeins er rúm vika eftir af kennslu og 9. - 17. desember eru próf og annað námsmat. Próftaflan hefur verið uppfærð í INNU og eins má sjá hana hér ofar á síðunni. Í ljósi kennslufyrirkomulags annarinnar hefur lokaprófum fækkað nokkuð og langflest eru þau rafræn. 

Félagslífið í skólanum hefur verið með öðrum hætti en venjulega en sitthvað er samt á döfinni. Í kvöld verður BINGÓ streymt á facebook síðu skólafélagsins og 6. desember verður jólatónleikum TóMA streymt. Ritstjórn skólablaðsins Munins vinnur líka að útgáfu haustblaðsins og er áætlaður útgáfudagur 7. desember.