Lokaverkefni á tungumálasviði

Starri Steindórsson og Gunnar Úlfarsson

Í gær fór fram kynning á lokaverkefnum 4A og 4B á tungumálasviði. Nemendur völdu sér tungumál að vinna með og gerðu verkefni sem skiptist í skapandi hluta og fræðilegan hluta, undir handleiðslu viðkomandi tungumálakennara.

Viðfangsefnin hafa verið af ýmsum toga þó matur, tónlist og skapandi skrif hafi verið áberandi. Dæmi um verkefni eru

• saga lopapeysunnar,
• tíska frá Viktoríutímabilinu,
• frændsemi í Eurovision,
• þunglyndi,
• Skotapilsið og saga þess,
• barnaþrælkun,
• einhverfa,
• fiskneysla ungs fólks

og svo mætti lengi telja.

Það var einstaklega gaman að hlusta á kynningarnar og greinilegt að margir nemendur höfðu kafað djúpt í viðfangsefnið auk þess sem margir blómstruðu í skapandi hlutanum og gátu leyft listrænum hæfileikum að njóta sín.