Menntabúðir MA og VMA

Eva Huld Ívarsdóttir flytur aðalerindið á Menntabúðum MA og VMA

 Í gær 17. nóvember voru haldnar sameiginlegar menntabúðir starfsfólks MA og VMA. Dagskráin stóð frá kl. 14-16 og var afar fróðleg og áhugaverð. Hún hófst á aðalerindi í umsjón Evu Huldar Ívarsdóttur lögfræðings, Kynbundið ofbeldi: jafnrétti, nauðgunarmenning, menntun. Erindið fjallaði um kynbundið- og kynferðislegt ofbeldi og var kannað frá lagalegum og samfélagslegum sjónarmiðum.

Að því loknu tóku við fjórar málstofur:

• Excel og einkunnautanumhald. Hagnýt atriði við einkunnautanumhald. Umsjón: Valdís Björk Þorsteinsdóttir - MA
• Nám í miðlun. Þverfagleg áhrif miðlunar á skólastarfið í framtíðinni. Vangaveltur um nýja braut sem væri unnin í samstarfi framhaldsskólanna á svæðinu. Umsjón: Hilmar Friðjónsson - VMA
• Minna er meira – skóli á hreyfingu: Kynning á námsfyrirkomulagi í Framhaldsskólanum á Laugum. Umsjón: Hanna Sigrún Helgadóttir - MA
• Að kenna tungumál án kennslubókar. Hvernig tungumál er kennt út frá dægurlögum og sögum sem tengjast mönnum, menningu og málefnum líðandi stundar. Umsjón: Auður Inga Ólafsdóttir – VMA

Mæting var prýðileg og vonandi er þetta upphafið að meira samstarfi skólanna tveggja hvað menntabúðir varðar. Menntabúðir sem þessar eru nauðsynlegur vettvangur kennara til starfsþróunar og einnig til að skapa umræður um ýmis efni tengd skólastarfi sem nauðsynlegt er að fá rými til að ræða. UT fulltrúar skólanna bera allan veg og vanda af því að skipuleggja menntabúðir.