Skólahjúkrunarfræðingur í MA

Auður Karen hjúkrunarfræðingur

Auður Karen Gunnlaugsdóttir hefur verið ráðin í 40% stöðu hjúkrunarfræðings sem skiptist milli MA og VMA eftir nemendafjölda. Auður Karen verður til viðtals í MA fyrir hádegi á fimmtudögum. 

Skólahjúkrunarfræðingur veitir ráðgjöf og svarar spurningum um ýmis heilsufarsleg vandamál varðandi:

• meiðsli og sjúkdóma
• mataræði og hreyfingu
• sjálfsmynd og líkamsímynd
• tilfinningaleg og geðræn vandamál
• áfengis- og eiturlyfjaneyslu
• reykingar og nikótínneyslu
• kynheilbrigði
• verki og vanlíðan

 Skólahjúkrunarfræðingur er bundinn þagnarskyldu.

 Aðstaða hjúkrunarfræðings er í viðtalsherbergi í Gamla skóla og er viðvera í skólanum á fimmtudögum kl. 8-13. Opinn viðtalstími hjúkrunarfræðings er kl. 10-11. Ekki þarf að panta tíma en velkomið er að senda fyrirspurn á audur@ma.is eða bara mæta á staðinn.

 Forráðamönnum nemenda er velkomið að hafa samband með tölvupósti eða hringja á viðverutíma hjúkrunarfræðings.

 Auk viðtalstíma fyrir nemendur mun skólahjúkrunarfræðingur:

• vera hluti af stoðteymi skólans
• sinna fræðslu í skólanum sem tengist heilbrigðismálum
• vera í samstarfi við forvarnarteymi skólans og kennara við vinnu að forvörnum
• taka þátt í verkefninu Heilsueflandi framhaldsskóli
• vera innanhandar með ráðgjöf og fræðslu til kennara og starfsfólks
• eftir þörfum sjá um eftirfylgni nemenda sem eiga við veikindi eða önnur vandamál að stríða
• finna meðferðarúrræði fyrir nemendur sem á því þurfa að halda

 Hjúkrunarfræðingur skólans er Auður Karen Gunnlaugsdóttir.