Starfsmenn Netvís ræddu við nemendur um netöryggismál

Haukur Brynjarsson (tv) og Skúli Bragi Geirdal (th). Mynd: Arnrún Halla Arnórsdóttir

Nemendur í 3G fengu góða heimsókn í dag. Þeir Haukur Brynjarsson og Skúli Bragi Geirdal hjá Netvís – Netöryggismiðstöð Íslands voru með kynningu fyrir krakkana í siðfræðitíma um netörygismál. Kynningin tónaði mjög vel við áhersluna í áfanganum um gagnrýna hugsun, samfélagsmiðlaábyrgð, mikilvægi upplýsingalæsis og ábyrgrar notkunar gervigreindar. Þeir ræddu allt frá áhrifum algorithmanns á efnisframboð til hvers einstaklings á miðlunum, áhrif þess á skoðanamyndun og umræður, til vaxandi færni gervigreindarinnar til að rugla okkur í rýminu t.d. hvað varðar samsetningar mynda og myndbanda. Þeir náðu virkilega vel til nemenda með framúrskarandi framkomu, gagnvirkum verkefnum og áhugahvetjandi spurningum. Ég vildi óska að þeir hefðu getað komið oftar í áfangann, helst svona einu sinni í mánuði. Virkilega fagmannlega og vel framkvæmd kynning og nemendur mjög ánægðir, sem kom þannig fram að þeir sýndu sínar bestu hliðar meðan á kynningunni stóð. Haukur og Skúli útskrifðust báðir frá MA, Haukur árið 2019 en Skúli árið 2012.

Arnrún Halla Arnórsdóttir.