Stjörnur á himni

Stjörnu-Odda-félagið boðar til fundar í stofu M8 í Menntaskólanum á Akureyri laugardaginn 11. maí klukkan 16. Öllum áhugamönnum um stjörnurnar á himninum er boðið að koma á fundinn.

Dagskrá:
1. SKIPULAG ALHEIMSINS: Umræður um bók með þessu nafni (The Grand Design, 2010, á frummálinu) eftir Stephen Hawking og  Leonard Mlodinow, sem kom út í íslenskri þýðingu 2011. Enginn framsögumaður er ákveðinn og orðið því frjálst um „uppruna og eðli alheimsins“. Eldri bækur um heimsgátuna eru enn áhugaverðar:

• SAGA TĺMANS (A Brief History of Time: From the Big Bang to Black Holes, 1988) eftir Hawking sem kom fyrst út á íslensku 1990 og aftur 1993 og 1999.
• ÁR VAR ALDA (The First Three Minutes: A Modern View of the Origin of the Universe, 1977) eftir Steven Weinberg sem kom út 1998.

2. Rætt um félagsstarfið og nýlegar fréttir úr himingeimnum: http://www.stjornufraedi.is/
3. Minnt  á aðalfund félagsins, sem er fyrirhugaður 25. maí.

Bjóðum ykkur velkomin á þennan fund, sem er öllum opinn. [Gjörið svo vel að láta fundarboðið berast.]
Gengið er inn af bílastæði Heimavistar MA um norðurdyr Möðruvalla í stofu M8.

Stjórnin