Einingafjöldi: 5
Þrep: 3
Annað: Áfanginn telst til sérgreina brauta mála- og menningarbrautar og félagsgreinabrautar

Margir nemendur á félagsgreinasviði stefna á háskólanám í félagsgreinum og þessi enskuáfangi er saminn sérstaklega með þarfir þess hóps í huga og sem svar við því að megin hluti af háskólanámi í þess konar greinum fer fram á ensku. Lögð er áhersla á að enskur orðaforði sem er kynntur og notaður í þessu námskeiði sé á sviði sálfræði, félagsfræði og mannfræði, ásamt góðum almennum orðaforða í ensku. Í áfanganum verða skoðaðar sögur af alvöru glæpum frá enskumælandi löndum, frægar glæpabókmenntir eftir enskumælandi höfunda, kunna morðingja og rannsóknir á glæpahegðun. Farið er í margvíslegt efni sem tengist þessu, svo sem texta, hlustunarefni, margmiðlunarefni og fleira. Nemendur vinna í hópum eða að einstaklingsverkefnum og nýta sér orðabækur og rafræn hjálpargögn. Áhersla er lögð á sjálfstæð og öguð vinnubrögð.

Þekkingarviðmið

Nemandi skal hafa öðlast þekkingu og skilning á:

  • ýmsum málefnum tengdum glæpum í samfélagslegu samhengi
  • birtingamyndum glæpa í dægurmenningu, bókmenntum og fleiru
  • uppbyggingu glæpatengdra bókmenntatexta og sjónvarpsþátta og mynda
  • flóknari og sértækari orðaforða sem tengist efni áfangans

Leikniviðmið

Nemandi skal hafa öðlast leikni í að:

  • taka virkan þátt í samskiptum og beita málfari við hæfi
  • skrifa skapandi texta og tjá munnlega
  • lesa og greina bókmenntaverk
  • greina söngtexta
  • lesa texta sem byggja á sértækum orðaforða
  • fylgast með söguþræði og átta sig á uppbyggingu bíómynda og sjónvarpsþátta

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

  • tjá sig á skýran og áheyrilegan hátt og taka þátt í umræðum
  • skrifa ýmiskonar texta og láta ímyndunaraflið og sköpunargleðina að njóta sín
  • skilja án teljandi vandkvæða nokkuð flókna texta
  • lesa á milli línanna og átta sig á dýpri merkingu í texta og sjónvarpefnis
  • átta sig á tengslum og skyldueika í uppbyggingu glæpasagna og tengds sjónvarpsefnis