Einingafjöldi: 5
Þrep: 1

Lögð er áhersla á að nemandinn verði læs á hagnýta þætti er snúa að fjármálum þar sem hann sjálfur er í brennidepli. Hann öðlist getu til að greina valkosti í fjármálum og á þeim grunni gert áætlanir um fjármál sín t.d. ráðstöfun tekna, sparnað, greiningu á lánamöguleikum, áhrif vaxta og verðtryggingar. Áherslan í áfanganum er hagnýting og almenn þekking í tengslum við stöðu og þróun í samfélaginu. Þannig verði nemandinn meðal annars læs á hagræna þætti sem snúa að lífi hans og framtíðaráætlunum. Lögð er áhersla á sjálfstæð vinnubrögð og að nemendur skipuleggi vinnu sína og læri að nýta sér þau hjálpartæki sem í boði eru.

Þekkingarviðmið

Nemandi skal hafa öðlast þekkingu og skilning á:

  • einföldum fjármálum daglegs lífs
  • launaútreikningi og réttindum og skyldum á vinnumarkaði
  • þáttum sem tengjast skuldbindingu í fjármálum s.s. veði, ábyrgð og greiðslukortum
  • sparnaði, lántöku, vöxtum og verðbótum
  • tilgangi skatts og annars frádráttar
  • fjármálahugtökum ásamt umfjöllun um auglýsinga og neyslusamfélagið

Leikniviðmið

Nemandi skal hafa öðlast leikni í að:

  • afla sér upplýsinga til nauðsynlegra útreikninga
  • reikna vexti og afslátt, fram reikna lán og skuldir
  • gera sér grein fyrir eigin fjárhag og útgjöldum
  • skipuleggja, taka réttar ákvarðanir og bera ábyrgð á eigin fjármálum og neyslumynstri

Hæfniviðmið

Nemandi skal geta hagnýtt þá almennu þekkingu og leikni sem hann hefur aflað sér til að:

  • gera sér grein fyrir því hvers vegna fjármál hans skipta máli
  • hvernig hann getur staðið að því að vera upplýstur um þau og hvað þurfi til að taka vandaðar ákvarðanir sem fela í sér skynsama fyrirhyggju
  • skipuleggja fjármál sín með hagsýni
  • tileinka sér ábyrgð á eigin fjármálum