Forkröfur: FORR2FO05
Námsmat: Verkefni og próf
Annað: Áfanginn telst til sérgreina heilbrigðisbrautar, náttúrufræðibrautar og raungreina- og tæknibrautar 

Megin áhersla áfangans er á hönnun og smíði hugbúnaðar sem leyst getur raunveruleg vandamál og þrautir. Nemendur kynnast innbyggðum gagnagrindum Python nánar, bera saman kosti og galla þeirra, auk þess að forrita nýjar. Farið er í saumana á nokkrum einföldum reikniritum, kvik forritun kynnt til sögunnar og hvort tveggja notað við lausn verkefna. Notast er við hlutbundna forritun við lausn stærri verkefna þar sem nemendur smíða klasa og hluti.

Námsefni kemur að mestu frá kennara eða er aðgengilegt á veraldarvefnum. Notast er við ókeypis hugbúnað við lausn verkefna en nemendur þurfa sjálfir að hafa fartölvu í kennslustundum.